انزلی اوشاقلاری

+0 به یه ن

انزلی نین اوشاقلاری

1

بره سیزین بت سیزیندیر

شکر سیزین قت سیزیندیر

شهر سیزین کند سیزیندیر

گله جگین قوچاقلاری

انزلی نین اوشاقلاری

2

دان چیخاندا آلای قورون

سئوگی اولون اوپوش درین

کیم لیگیزه اؤنم  وئرین

گله جه گین قوچاقلاری

انزلی نین اوشاقلاری

3

گولچه نی یوخ گولو سئچین

یار الین نن باده ایچین

یاریشاندا اونه کئچین

گله جگین قوچاقلاری

انزلی نین اوشاقلاری

4

من نه دئییم او  گورکمی

فیرتینادا اوزون گمی

قاینایارلار خزر کیمی

گله جگین قوچاقلاری

انزلی نین اوشاقلاری

5

آخشام اولدو بولوشرلر

سئویشرلر گولوشرلر

مول باشیندا گوروشرلر

گله جگین قوچاقلاری

انزلی نین اوشاقلاری

6

اوغلان گونش؛ قیز آی بنیز

فرق ائله مز اوغلان یا قیز

جوشقولانیب داشان دنیز

گله جگین قوچاقلاری

انزلی نین اوشاقلاری

7

اصل سویدان قیزیل باشلی

گونش کیمین دان باخیشلی

دیلک لری نار ناخیشلی

گله جگین قوچاقلاری

انزلی نین اوشاقلاری

8

صف دوراندا یان بایانا

دالاشارلار ارک یانا

اوخشایارلار قازان خانا

گله جگین قوچاقلاری

انزلی نین اوشاقلاری

9

یئنه اؤیدوم اوز اوزومو

من نن اولدوسوز دوزومو

سیزه  دئدیم سون سوزومو

گله جگین قوچاقلاری

انزلی نین اوشاقلاری

10

گله جگی گوره سیدیر

قیزلاری سو سوناسیدیر  

بایاندیرلار توره سیدیر

گله جگین قوچاقلاری  

انزلی نین اوشاقلاری

11

ظلمه قارشی دورسا اری

آردیمینی آتماز گئری

ائلچی بی یین گؤونج یئری

گله جگین قوچاقلاری

 انزلی نین اوشاقلاری

گولمزلر.................

+0 به یه ن

                                                                                                                                                                                                ایرحمت دیک وجی دئییردی  کاتا قارداشیم اوروجعلی نین  دانلاغینا گوره بیر گون گیجه له گیجه له  یولوم مچیده دوشدو؛فضیلت آیی دئییه هر گئجه مچیدیمیز دولو اولارکن منده منبره قارشی اوتوروب قیرخیلی بوغ ساققالینان معتبر شیخ آشاغانین ایروضه سینه قولاق آسیردیم؛جاماهات سیغلیغینی گورن شیخ آغا لاپدان یانین قوزانیب منبرده بیرین بوراخاندا ایریز ایتیرمگ ایچین ایاغینان منبری دویدو کو سسی ایتیرسین؛بو صحنه نی گؤرن کیمین  منی گولمک گؤتوروب ایچیمه سالاندا چیین لریمه اوینادی؛بیر آندا منیم گولمه گیمی گؤرن باشی یئکه شیخ آغا اوزون ایتیرمه دن سوزون چئویریب عرب دن عجم دن اوخویاندان سونرا باشلادی بوغ ساققالی قیرخیلی کیشی لرین شیطان نسلی اولدوقلارینا آیه لر گتیریب قولاقلی قویروقلو حیکایه لر دانیشدی؛و گئد گئده عاباسی نین  دوگمه لرین آچیب لاغا قویاندا جاماهاتی بیله مه گولدوروردو؛سوزلرینین آراسیندا ایمام حسین قاتیلی ایبن زیاد ؛شومور و یزیدین ده بوغ ساققاللاری اولماییب دئیینده بیر داها اوزومو تهلوکه ده گؤروردوم؛بیر جور بیر طهر ییغیناق قورتاریب هر کیمسه اوز ائوینه گئتمه لی اولدوق؛جاماهاتین قاللاغین اوستوم ده قالان کیمین اوچ دورد گون اوندان سونرا بیر گون جوم آخشامی شیخ آغانی قبیر اوسته گؤروب گلئی گوذار ائله ییب دئیینده کی حاجی آغا گونلری مچیده .....................نه دئمه گیمی باشا دوشن کیمین اوجا سسینن دئدی مچیدده ........................

آی اَدَه...............................

+0 به یه ن

آی اَدَه

تانری سیزین سوبایلارا ایروزو ائله سین او گونلری قوربان حسین اوغلان طرفی اولاراق گولو بورنوندا فاطمابیرائلچی گلمیشدیرلر؛ عزیز و دولتلی قوناقلار ایچری گیریب یئرلرین آلاندان سونرا آغ ساققال لارین بیری اصلی سوزه گیرمه میشدن اونجه اولکه داخیلی جومهورباشقانین نی تنقید آلتینا آلاراق یئر آلما سوغان باهالیغیندان دانیشیب قادینلاری پاچا بند قیتلیغینا گؤره ایجتیماعیتین چتین لیک لره معروض قالماسینا توخوندو

بو یاندان قوناقلاری بیری وکیل وزیری آد ائله ییب یامان یووز دئیینده تزه بی یین  دایی سی ایره لی چکیلیب علاوه ائله دیگی جانیم تامام اولکه  چاتیشمامازلیقلارین باشی جومهورباشقانینا باغلی دیر؛

اوتورانلار نئچه سی بوسوزو تسلیق له ینده لاپدان وال دونوب اصلی مطلبه گئچنده اوغلان طرفینین طایفا باشجیسی سوزون باشین آچان کیمین اوزونو آتام کابلا احده توتوب دئیینده کی؛

آی کابی؛

خوش گلمیشیک بئش گلمیشیک

سیزین ائوه توش گلمیشیک  

دده م سوزو ائشیدن کیمین ال هایا قالاراق اوزون پرده آرخاسینا چئویره نه اوطردن ننه لیگیم سس وئردی کی  

خوش گلمیسیز هؤش گلمیسیز

چویور یئره خئش گلمیسیز

گلن قوناقلارین بیری سوزو داوام ائله مک ایچین دوره بورکونو باشیندان گؤتوروب اوستولون اوستونه قویاندا یئنی دن اوزونو دده مه دئیینده کی

آی احد کیشی؛

قیلینج بیزدن قینی سیزدن

دده مین بو دونه رنگ روفو قاچان کیمین اوزونو پرده آرخاسینا توتوب سس سالدی کی: آی اده

کیشی علاوه دن سوزونو داوام ائله ییرک دئیینده کی

الیف بیزدن گولوف سیزدن

دده م اؤزونو ایتیرن کیمین اؤتدوغو یئرینن عوض دالا چکیلیب پرده توتاراق چاغیردی کی: آی اده

او بیری قوناق سوزه قاتیلیب دئیینده کی

دوروق بیزدن دیلیق سیزدن

دده م بو دونه ایاق اوسته دوروب اؤزون گیجه لن کیمین چاغیردی:  آی اده

آخیردا اوغلانین آتاسی بو ایشه مات قالیب دئیینده کی

بادمجان بیزدن هولو سیزدن

 بو دونه دده م شالواری باتیریب سویو سیزا سیزا پرده آرخاسینا گئچنده اوجا سسینن چاغیردی کی:  وای اده

سوز قورتاران کیمین بی یینن گلین سالدیغیمیز دال اوتاقدان چیخاراق فاطما باجی اَییلیب قالایچی مورتوضون قولاغینا نسه دئیینده مورتوض دا باتمان باشین هه یاخشی دئییه قاپی یا ساری چکیلدی؛

قوناقلار دوروب ائویز آوادان زحمت وئردیک ایاق قابیلارین گئییه گئئیه تزه بی یین عمی سی ساغ الین  پوهروز قاغامین چیینینه قویوب دئینده کی به نجور اولدو  

مورتوض اویاندان سسلندی کی؛اوغلانین گوبکدن آشاغی سین بَیندیک

هاچاندان هاچانا جومهور باشقانی یوخ باغیشلایین چاشدیم دده م کابلا احد شالوارین زادین دَیشیب چوله چیخاندا یولا دوشن قوناقلارین دالینجا باغیردی کی کبینینه بیر تای سوغان یئرآلما سالین......................

__________________________________________________

 & الیف بیزدن گولوف سیزدن                 & دوروق بیزدن دیلیق سیزدن

&قیلینج بیزدن قینی سیزدن                      & بادمجان بیزدن هولو سیزدن

ایشیق دیره گی..............

+0 به یه ن

قالایچی مورتوض, [۰۲.۱۰.۱۸ ۱۸:۱۸]
ناکام سئوگیلیلر حیکایه سی..........
1325نجی ایل یاشیل یاپراغلارقیزاریب  قار قیرووا آیلاری دئییه  ماراغا  هئشتری بولگه لرینده آغیر دویوش گئتمه گینه باخمایاراق  گنج سالمان باشجیلیق ائتدیگی دسته دن آرالانیب قوجا آناسینا باش ویرماق آدینان بیر دونه ده دوغولوب بویا باشا چاتدیغی شئشه وان کندینه اوز توتمالی اولور؛چوخ آز زامان چرچیوه سینده عایله عضولرینن گوروشوب قولاغی سس ده اولان کیمین یوبانمادان ایکارلی(یَهَر) آتی نین بئلینه شیغاییب کتدن مقصدینه دوغرو قایتماق ایسته ینده یئنی یئتمه چاغلاریندان  اورک وئردیگی قونشو قیزی ائللی خانیم نان اوز به اوزگلیر؛ قارا دمیر کوهله نینن اَنیب سارماشیق کیمین بیربیرلرینه ساریشاندا گؤرمه سینلر دئییه کتدن اوزاقلاشیب یول قیراغی گئدر گلمز بوروق آرخاسینی دالداناجاق ائله یَرَک اورک دویونتولرایله بیربیرلرینن سئویشیب و دردله شیرلر؛حربی گئییملی سالمان بیرنو تفنگ چی ننده قیزین ساچلارینی سیغلایاراق  اوزولمه عزیزم دئییه مین نازایلا گوزونون اوستونه توکولن توکلری قالدیریب بویون اوخشاییردی؛ائللی خانیم باشین آشاغی سالیب گله جک حییات یولداشینا گلئی گوذار ائله یَرَک بوغوزو یاریلان کیمی دئییرسالمان سن بو قانلی دویوشه قاتیلالی گئجه لریوخومو چلپه شیک گوروب اوزنتولرله گله جه گه گوز تیکیرم؛سوزونون داوامیندا علاوه ائله ییرکی بیزدن یاشی آشاغی اولان سئوگی لیلربیربیرلرینن آداغلاشیب توی گونلرینه حاضیرلیق ایشلری آپاریرلار؛
 امما نسه بیز؟!..........................
بیر دونه سالمان اوتانقاج قیزین الین الینه آلاندا دئییر سئودیجه گیم  ایللر بویودورکی خالقیمیز ایرضاشاهین تحقیرلرینه معروض قالاراق منی کیمین دیزی گیر توتان گنج لره گرکدیرکی  قوردوموز میللی حوکومتی حمایه ائله ییب خالقیمیزی خان خایینین الیندن بیر یوللوق قورتارمالی اولاق؛دوروب حالالاشاندا  ائللی گوز یاشلارینان  ساپاقلی آل یایلیغینی سالمانین بوینونا باغلاییب دئییر گئد نفسیم گلینجک بو دونومسوز یولو گوزلمه لی اولاجاغام؛نصراله اوغلوسالمان سیلاح داشلارینا اوز توتاراق  بیر قوچاق فدایی سرکرده سی کیمین وار گوجوینن دویوشوب قارانلیق ایشیغا گوج گلن کیمین ماراغا دیزج رود بولگه سیده قددار دوشمانین الینه گئچیر؛محمد ایرضاشاهین مامورلاری فدایی باشجیلارینی اولدورنی اولدوروب اله گئچنلری گون آشیری شهرین میدانیندا دارا چکنده جاماهات ایچینده آغیردهشت یارانیردی؛بویوک چیلله گیره جه ینده آخشام یئنی دن های دوشنده کی صاباحلاری دارا چکیلن واردیر؛ نصراله کیشی اوزوده بیر قاچاق فدایی لریندن اولاراق بو خبری ائشیدن کیمین اوزاقدان اوزاغا ماراغا شهرینین هنده ورینده باش قولاق گزدیریردی کی گؤره کی بو دونه دارا چکیلن یازیق کیم اولاجاق؛نهایت سحر آچیلاندا سالمانی قولو باغلی دار ایاغینا گتیریب آتاسی بو صحنه نی گؤرن کیمین دوزمه دن اوزونو یئتیریب اوغلونو قورتارماق ایسته ینده نه بیلیم هانسی بیج ننه سی نین اوغلو شاه مامورو سالمانی دارا چکیب آتاسینی دا تحقیرجه سینده دویه رَک اولومله هَدَه له ییر؛بو دهشتلی اولایدان خبرسیز اولان ائللی هر گون یول اوستو داشلارا سویکه نیب گلن کیمسه لردن شهرده نه خبر وار سوزونو سوروشاندا نهایت اونون اورگینن گئچن ناکام دویغولاری یولدان گئچن بیر شاعیرعاشیق بئله یانیقلی سیرالارینان خبری چاتدیرمالی اولور......................
....................................................
....................................................
....................................................
....................................................

ناکام سئوگی لر حیکایه سی

+0 به یه ن

ناکام سئوگیلیلر حیکایه سی..........
1325نجی ایل یاشیل یاپراغلارقیزاریب  قار قیرووا آیلاری دئییه  ماراغا  هئشتری بولگه لرینده آغیر دویوش گئتمه گینه باخمایاراق  گنج سالمان باشجیلیق ائتدیگی دسته دن آرالانیب قوجا آناسینا باش ویرماق آدینان بیر دونه ده دوغولوب بویا باشا چاتدیغی شئشه وان کندینه اوز توتمالی اولور؛چوخ آز زامان چرچیوه سینده عایله عضولرینن گوروشوب قولاغی سس ده اولان کیمین یوبانمادان ایکارلی(یَهَر) آتی نین بئلینه شیغاییب کتدن مقصدینه دوغرو قایتماق ایسته ینده یئنی یئتمه چاغلاریندان  اورک وئردیگی قونشو قیزی ائللی خانیم نان اوز به اوزگلیر؛ قارا دمیر کوهله نینن اَنیب سارماشیق کیمین بیربیرلرینه ساریشاندا گؤرمه سینلر دئییه کتدن اوزاقلاشیب یول قیراغی گئدر گلمز بوروق آرخاسینی دالداناجاق ائله یَرَک اورک دویونتولرایله بیربیرلرینن سئویشیب و دردله شیرلر؛حربی گئییملی سالمان بیرنو تفنگ چی ننده قیزین ساچلارینی سیغلایاراق  اوزولمه عزیزم دئییه مین نازایلا گوزونون اوستونه توکولن توکلری قالدیریب بویون اوخشاییردی؛ائللی خانیم باشین آشاغی سالیب گله جک حییات یولداشینا گلئی گوذار ائله یَرَک بوغوزو یاریلان کیمی دئییرسالمان سن بو قانلی دویوشه قاتیلالی گئجه لریوخومو چلپه شیک گوروب اوزنتولرله گله جه گه گوز تیکیرم؛سوزونون داوامیندا علاوه ائله ییرکی بیزدن یاشی آشاغی اولان سئوگی لیلربیربیرلرینن آداغلاشیب توی گونلرینه حاضیرلیق ایشلری آپاریرلار؛
 امما نسه بیز؟!..........................
بیر دونه سالمان اوتانقاج قیزین الین الینه آلاندا دئییر سئودیجه گیم  ایللر بویودورکی خالقیمیز ایرضاشاهین تحقیرلرینه معروض قالاراق منی کیمین دیزی گیر توتان گنج لره گرکدیرکی  قوردوموز میللی حوکومتی حمایه ائله ییب خالقیمیزی خان خایینین الیندن بیر یوللوق قورتارمالی اولاق؛دوروب حالالاشاندا  ائللی گوز یاشلارینان  ساپاقلی آل یایلیغینی سالمانین بوینونا باغلاییب دئییر گئد نفسیم گلینجک بو دونومسوز یولو گوزلمه لی اولاجاغام؛نصراله اوغلوسالمان سیلاح داشلارینا اوز توتاراق  بیر قوچاق فدایی سرکرده سی کیمین وار گوجوینن دویوشوب قارانلیق ایشیغا گوج گلن کیمین ماراغا دیزج رود بولگه سیده قددار دوشمانین الینه گئچیر؛محمد ایرضاشاهین مامورلاری فدایی باشجیلارینی اولدورنی اولدوروب اله گئچنلری گون آشیری شهرین میدانیندا دارا چکنده جاماهات ایچینده آغیردهشت یارانیردی؛بویوک چیلله گیره جه ینده آخشام یئنی دن های دوشنده کی صاباحلاری دارا چکیلن واردیر؛ نصراله کیشی اوزوده بیر قاچاق فدایی لریندن اولاراق بو خبری ائشیدن کیمین اوزاقدان اوزاغا ماراغا شهرینین هنده ورینده باش قولاق گزدیریردی کی گؤره کی بو دونه دارا چکیلن یازیق کیم اولاجاق؛نهایت سحر آچیلاندا سالمانی قولو باغلی دار ایاغینا گتیریب آتاسی بو صحنه نی گؤرن کیمین دوزمه دن اوزونو یئتیریب اوغلونو قورتارماق ایسته ینده نه بیلیم هانسی بیج ننه سی نین اوغلو شاه مامورو سالمانی دارا چکیب آتاسینی دا تحقیرجه سینده دویه رَک اولومله هَدَه له ییر؛بو دهشتلی اولایدان خبرسیز اولان ائللی هر گون یول اوستو داشلارا سویکه نیب گلن کیمسه لردن شهرده نه خبر وار سوزونو سوروشاندا نهایت اونون اورگینن گئچن ناکام دویغولاری یولدان گئچن بیر شاعیرعاشیق بئله یانیقلی سیرالارینان خبری چاتدیرمالی اولور......................
....................................................
....................................................
....................................................
....................................................

ایشیق دیره گی....................

+0 به یه ن

ایشیق دیره گی............
1970نجی ایل آقای معللیمین گئدیگی کند اوجقار اولدوغو اوچون قیش آیلاری قار یاغیب یول یولاغی باغلامیشدیر؛امما کند یئنی یئتمه اوشاقلاری مکتبه یغیشیب درس لرینی اوخویاراق وئریلن تکلیفلرینده هوس له یئرینه یئتریردیلر؛اوشاقلار مکتب دن قورتاران کیمین تنگه باجانین قاربورانینا باخمایاراق چول باییردا قار گولله سینن توتموش زولاخ سوروشکنلرینده اویناییردیلار؛اوغلانلارین ایچینده آناسیز موراد ادب ارکانینا گوره آقای معللیم دیقّتین چکیب و بو اوشاغین گله جکلی اولدوغونو دوشونوردو؛قضا ایشی ترس گتیرن کیمین موراد بویوک چیلله اراده لرینده آغیر خسته له نیب یورقان دوشه گه دوشور؛ کند تورکه داواسی ال وئریشلی اولمایاندا گئد گئده آغیر قیزدیرمالاری اوشاغی امنن سالیب اولوم له اوز به اوز قویور؛نهایت کی مورادین آتاسی چاراسیزلیقدان قیشین قار کوله گینه باخمایاراق آلتدان اوستن گئیینیب  سارقین بالاسینی یورقانا بوکه رک اوزونو قارلی یوللارا ویریرکی بلکه شهره چاتدیریب دردینه درمان ائله سین؛آقای معللیم مورادین یالقیزجا اولوم دیریم آنلارینی گورنده بیر ال آغاجی گوتوروب اونلارا قوشولاندا گونن بیرآز ایشله میش کتدن چیخیب شهره دوغرو یول باشلاییرلار؛یول اوزونو آقای معللیم قاری ایاقلاییب زولاغ آچان کیمین باتا چیخا یول گئدیردیلر؛هاوا قارانلیقلاشیب یوللارینی ایتیررکن بو دونه اوزلری  قضایا دوشوب سویوق ال ایاقلارینی آپارارکن آقای معللیم سَرت سویوغا دوزه بیلمه ییب اوتوردوغو یئرده جان تاپیشیریر؛حاقدان عومورو اولان اولمز دئییه مورادین آتاسی بالا قوجاغیندا گونش چیخانا کیمین اولومنن ال به یاخا اولسادا آتا بالاتویوش تویوشه(نفس) وئریب ساق قالیرلار؛ قارقا قوزقون ییغیشماسین گورن یول کروانی یاردیمنان شهر خسته خاناسینا چاتدیریلیب هله لیک آتانین ال ایاغین سویوق آپارسادا حکیملر بالاجا مورادین قاداسی نی قاملاییب درمان ائله ییرک اولومنن قورتاریلار؛اودور کی موراد بویویوب عالیه تحصیللی اولاندا اوروپا اولکه لرینین بیرینده طبابت ایشینه مشغول اولور؛موراد باشینا گلن بو اولایی اوزونده یاشادان کیمین نئچه ایل قاباق عایله سی له بیرگه اولکه یه قاییدیب کنده اوز توتاندا آقای معللیمین آدینا گئدیگلری یول آیریلیغینیدا بیر ایشیق دیره گی قویور کی قیش یولونا چیخان کیمسه لرین قارانلیق یولونا ایشیق سالا بیلسین....................

________________________________
بو حیکایه نی ایلک صینیف معللیم سورو غلامحسین قیزی(ثریا جهانگیری)خاطیرلایاراق آدینا حصر ائله دیم

مصلحت نیظام ..........

+0 به یه ن

 اشی موسلمان چلیق قالماییب کی ددده ددلیگیم اولندن سونرا یئتیم

قالدیقیما های هار اییما سس وئرن یوخدورباخ ؛اشی دردیمی کیمه دئییم

 من کربلایی تیرامپین اؤرتانجیل قیزین ایسته ییرم ؛بیر بئله قوروم

قونشودان بیر الله آدامی تاپا بیلمیرم کی ائلچی لیگه گوندریم ؛

خالام اری:

 اشی اودا خالا خانیمی بوشایاندا کبین طالب ائله دیگیمیزه گوره؛

اوزوموزه گلن دویوشه حاضیرلیق ایشلری آپارارکن الن بیزه  قارشی

چیخیب منیم گله جک حورمتلی قایین آتامی هده له ییرک گونده

قادینلاری باشینا ییغیب طییییییی اولکه لرآراسی شهرو کدلرده  آکسییا

گئچیردیر؛

دئییرم دویوش توشسه

ائیه نه دویوش باخخخخخخخ: آداقلیمین ضربینن باشیما هاوا زادگلیب

 هاااااااااااااااااااااااااااا

سوزو یادیمنان چیخماسین قدیم زامان بیزیم بو اؤرت باسدیر ماحالی نین

مولکه داری آبیش خان ترس آواکند خیرشرینه گلنده؛ آراسیرا هم کددیمیز

صفی علی مچیدده اونون یئرینده اوتوروب چوله چیخاندادا ایاق قابیلارین

گئیمیشدیر؛گاهداندا تنگه باجادا اونون یانیندا الین شالوارین جیبینه  

حاجی آبیش آغیزین آچیب دانیشاندا سوزونه گیریب بیله سینن آغیز

کپی ائله ییردی؛لاپدان ایجاره سین زاددیندا کسیب ایلخی سوروسی

آتلارینا زیان ویریردی؛ایشین سونوندا هانپانین اوچونجوآروادینا موشتری

چیخیب بوشاددیریم آلماق ایسته ینده ایشلری عدلییه ایداره سینه

دوشرکن نئچه ایل بو محکمه اوزانان کیمین ؛سونونجو دفعه ایداره وریندن

صفی علی کیشی  محمکه یه جلب اولونوب نئچه گوندن سونرا کنده

قاییداندا قوهوم اقربه بیله سینن سوراندا کی ایشیز هارا چاتدی؛ صفی

علی معللیم یئنی دن سول الین شالوار جیبینه قویوب ساق الینن لبه دار

بورکون آلینینا چکیب جاواب وئریر کی والله ایداره منی محکوم؛ ائله دی

امما من محکوم اولمادیم................................

محی و تحی:قارداشلاری

+0 به یه ن

 

آخشام ائوینه دده لری اولوب اوزادیب ائوین اؤرتاسینا

تهی د.ئییر :محی قاغا اوی محی قاغا یوز یول دئدیم بو خارابا نوزول بانکیدان وامنان زاددان  گوتورک ایندی دده  اؤلدی پولوموز یوخ نه ائله جه ییک باخ؛محی:دیزلرین قوجاقلاییب جاواب وئریر؛نه بیلیم آخی دور کول قابین گتیربیرا

سوندان سیگارئتین آلیشدیریب؛ساغ الینن اولونی گوستریب دئییر؛بونا دئیین یوخدی ائوی ییخیلان سن کی گورورسن الیم بوشدورآخی ایندی اؤلمک واقتدیر؛

تهی ایاغ باش بارماغینداکی سینیق دیشینه سالا سالا محی یه های باسیر کی یاواش دانیش قونشولار ائشیدر

محی قاغا علاوه دن اوزون بالاجا قارداشا توتوب سوروشور؛ دئییرم گوره سن نقدر خرجیمیز چیخاجاق؛اودا الین قالدیریب جاواب وئریرکی  نه بیلیم آخی بیر چانتا

خولاصه ایکی قارداش اؤلو وسطده گئجه یاریسینا کیمین باش باشا چاتیب صالاحلاشاندا نه بیلیم بیری دئییر اوزموزه وئرک اوروشوت ایداره سینه بلکه؟

آخیردا بئله قراره گلیب هیچ کس بیلمه سین ائوین دال حیه تینده چالا قازماغا باشلاییرلار دده نی گوملاسینلار

صوبح آذان الله هکبر یوخونلاشیب قاپیدا وای شوئن دوشنده چیخیب گورورلرکی هاماش باج اوغلو مینی بوسی  ساخلاییب ماشینان دوشن باجیلار ال آتیب باش گوزونه کی آی گولو بورنوندا ددم ایوای؛

قونشولاردا هایا توکوب گللرکن: گون چیخیب چیخمازبیر دفعه گورورلر تعجیلی یاردیم ماشینی(آمبولانس)وپاسگاه مامورلاری قاپینی آلدیریبلار؛قونشولارین نئچه سی الله ایرحمت ائله سین اولونو یوباتمازلارگوتورون محی دئییر ناچارچیلیقدان بیزده دوشدوک بونلارین دالینجا خسته خانایا؛محی علاوه ائلیردی کی گئده گئده یول آغزی بیر ایکی یول اوزومووئردیم ماشینین قاباغینا کی آی جانیم اولونی خسته خانایا؟محمدی یه صالاوات حواله ائله یه ائله یه گیردیک دوکتورون اوتاغینا اوچ دؤردگون قاچا قاچ ائله ییب مراحیل قانونی طیییییی اولاندان سونرا؛حئساب کیتاب ائله ییب ناقابیلدی الله ایرحمت ائله سین خسته خانا پولو  18575000تومن 200000مین پزشک قانونی 300000مین شهرداری 160000ایداره اوقاپ 400000تومن آمبولانس کرایه اولو یووان کفن پولو ناماز پولی نان قبر پولوندا اورادا وئره جکسینیز ؛دئییردی هاماش باج اوغلو یانیمیزدا ایکی قارداش بیربیریمیزه باخیب ایشی بئله گؤرنده محی قاغا تهی نی یانالاییب دئییر؛گل ائله اولونو بیرادا قویوب بوروغو دونک ؛

تهی تعجوبلنه رک دئییر  یوخ بابا عایب ایشدیر جاماهاتدا قاپیدا؛اوزون چکیش برکیش دن سونرا تهی قارداشی خسته خانادا گیرو قویوب اولونی گوتورورلر میرده شور خانایا؛ زنن لرده اوزلرین دویه دویه جاماهاتین دالینجا  اوغونوب هامارا اوزانین  بوغازینا سو توکوب ماشینلارین بیرینه اوتوردولار؛

محی قاغا خسته خانانین حئسابین ائله گؤرنده اوره یندن آلینیب نه ائلمه ینده پیلان توکنده یول اوزونو هاماش باج اوغلونی یانینا آلیب قولاغینا نه ایسه پیچیلایاندا میرده شیر خاناچی اولویووان ایشین قوتاریب ایرحمتدیگین آدام نفرین چاغیراندا محی قاغا هاماش الیندن یاپیشیب تئز ایچری گئچنده دالدان قاپینی دارلاییب الدن سویونوب اولونون کفنین اوزونه بورمه له ییب تابوتا اوزاناندا قاپینین یانین آچیب دده نین اولوسونی دال قاپیدان هاماشین دالا وئریب یولا سالیر؛ ماخلوقدا خیلک گوزله یندن سونرا ایچری توکولوب آق ساققال لاردان بیری گلن ایاقلاریز آغریماسین اولونی یوباتماق اولماز سورقی سالاواتینان تابوتوگوتوروب گئنشلیگه قویاندا شیخ آقادا تویوش تویوش ویرا ویرا اوزون یئتیریب صفین قاباغی اولونون باشی اوسته عربدن عجم دن اوخویوب اففک اففک دئینده لاپدان محی قاغا تابوتون ایچنده دوروب اوتورور؛جاماهات توکولوب اولونی دویشدیرنده شیخ آقا اوزون یخیر تابوتون اوستونه کی آی جانیم ویرمایین کی منیم حاققیم باتار............................................       

*محبوب- مَحی قاغا

*طهماسیب-تهی

موشکول قانونی

+0 به یه ن

آلو آی آلوسن کیم سن جعفر آقا ائیه جعفر آقا کیمدی باخخخخ سعف توتوبسان دستکه یی یئره قویوب ایاق یولونا گئچنده یئنی دن آرواد های باسدی کی آلا  تلفونون زنگ چالیر؛منده ائله شالواریم آشاغیدا قالخیب  قاپی نین یانینان تلفون آلیب ایشیمه داوام ائله یه ائله یه سس سالدیم آلو آیییییی آاااااااالو سن کیم سن او طرفدن سس گلدی کی من سنین قارداش لیقین جعفر آقایامدا؛هن لاپدان یادیما دوشدی شیخ آقانین بیر اوغلو قاچیب یئنگه دونیادا یاشاییر ؛ایخیلاس زاد ائله مه ییب هااااا بیزدن اوجور ایشلر چیخماز؛

تانری عومور وئرسین بیزیم دددد دلیک شیخ آقایا محکمه چی اولدوقونا گوره طییییییی جاماهاتی یولونا قویوب بوشاننان قادینلاریندا ایشینه نوبات کانار باخیر؛هردنده ائله بیر یئره سفربر اولاندا من اونون تاخدینا چیخیب موشتری لری یولا سالیرام؛تانری سیزه قیسمت ائله سین بو ایلده حاجی اؤن اوچ دونه ماسکووا زیارتینه گئدنده لله شون یانی بنده محترمه اؤن گون لوک دددد  دلیگیم یئرینده قانون قضا ایشینن مشغول اولاندا هر گونده اوممت خیزب الله خیدمتینده اولوب جوره به جوره محکوم لاری حوضوروما گتیریب منده شرع موققدسین حوکمینن اونلاری جازالاندیریرام؛بئله باشیم شولوغدور هاااااااا واقت تاپیب نامازیمی قیلا بیلمیرم؛طیییییییی ماموردی محکوملارین قولاغیندا یاپیشیب هر اؤن دیقه دن بیر یانیما گتیریر

 هر گون اولدوقو کیمین بوگونده سحر تئزدن الله سنه توکل ایشه با شلاییریق؛

سیفته بسم الله  قاپی چالیناندا گورودوم بیر کل پئیسر مامور بیرین یاخلاییب گیردی اوتاغا؛اوزومو توتوب مامور ا دئدیم خیر اولا

تویوش ویرا ویرا دئدی آقای قاضی بوسابیقه داربیر اوغرودورهر گونده قونشولارین زیبیل قابی لارین آخداریر؛

امیر یازدیم  کی گوز آلتی ساخلایین گئچمیشین آراشدیریم

ایکینجی مامور:بیر قادین بیر کیشی نی گتیردی کی آقای قاضی بوایکی نفر نامشروب ایش گوررکن پارکدا بیر بیرلرینن دانیشر دیلار؛بیرکاغاذ یازیب زننی آزاد کیشینی هئله لیک حبس خانایا گوندردیم

اوچونجو مامور:قاپینی چالمامیش بیر یئنی یئتمه قیز اوشاغینی کوپک قاریشیق گیتیردی کی آقای قاضی بو خیاواندا ایت اوینادیردی؛اینظیباتی ایداره سینه کاغاذ یازدیم کی شهرین میدانیندا باهالی ایته اوتوز شاللاق ویراندان سونرا ایپین آچیب هامارا اوتورسن

دوردونجو مامور:بیر زننی گتیردی کی آقای قاضی بو کوچه ده ماتور مینیر؛قانون کسدیم کی ماتورون الیندن آلین اوزونوده گلن جوم آخشامی یانیما گتیرین

بئشینجی مامور: اؤن بئش اؤن آلتی نفر آرواد کیشی ایچری توکنده وورقولادی کی آقای قاضی بونلار تویدا اویناییردیلار؛امیر یازدیم کی کبین کاغاذین آلیب جیراندان سونرا اوینایانلارین هره سیندن 500000مین تومن نقدی جریمه آلیب حئسابیما توکون

آلتینجی مامور:ایکی نفری گتیردی نه بیلیم بیری آفدافا اوغروسو او بیریسیده عدالت خانانین دووارینا ایشییب؛ منده جاریه مملکدن قانون اوزرینده  اوغرونو بیراخیب دووارا ایشی ینه اؤن بئش ایل حبس جزاسی وئریب یولا سالدیم

یئدینجی مامور:بیرین دویه دویه ایچری سالاندا علاوه ائله دی کی آقای بو مورتد موحاریب شیل علی نین تویوغونا داش آتیب دئیینده هاس باسدیم آی اینگلیزین عاملی سنی امیرکه اورگه دیب امیر اوزونو داش قالاق ائله سینلر  

آذان الله هکبره یوخونلاشاندا سگیزینجی مامور:بیر آلتی نفرلیک عایله نی ایچری گتیریب های باسدی کی آقای قاضی بو دین سیزایمانسیزلار شرع موققدسین امریندن چیخیب اولمه میشدن قبیرده یاتیرلار؛منده عدالت برقرار اولماق اوچون امیر وئردیم کی هاممسین اولدورون موشکول شرعی و قانونی برطرف اولونسون....................  

تالانمیش فاطما

+0 به یه ن

 یئنی یئتمه  فاطمانین آتاسی ایسماییل آقا1325 آدلیم فیرقه چی اولدوقونا آییری قولداشلاری ایله بیرگه محمد ریضا شاهین زاوالینا تورش گلن کیمین یوخا چیخمیشدیر؛او چاغلار فیرقه چی عایله لریده حوکومت وریندن گوز آلتی نا آلیناندا ایسماییل آقانین اولوب قالان واری شاه و  شاهین یاشیل چیراق وئرمک عرفه سینده قددار خانلارین الینن تالانیب چتین وضییته دوشموشدولر؛بو قارما قاریشیقلیقین ایچینده یاشایان یئدی نفرلیک  باشیسیز عایله گونده یئمک ماییشی نا گوره الدن آمانا قالاندا دوققوز یاشی چاتمامیش  فاطمانی مجبورییت قارشسیندا اوزاق کدده بیر یاشلی کیشی یه اره وئریرلر؛آنا بالاسی نی چیراق سیز جئییزسیز ار ائوینه یولاسالاندا اوره یندن گئچن آرزیلارینی گوز یاشلاری لا تسلی وئریب گئد بالا خییر گوره سن دئییه قالان یئتیم اوشاقلاری نین قایقیسین چکمه اوچون اوز ائو ائشیگینه قاییدیر؛امما  فاطمانین گئدیگی عایله ده اونا یاد گلرکن آتاسی یاشدا بیر کیشی ایله باش یاستیقا قویماغی اونا اینانیلمازاولاراراق آلتی یئدی آیین گلینی اولماغینا باخمایاراق قارنینداکی اوشاق اونو ایکی جان آراسیندا ساخلامیشدیر؛اوچ دورد یول اوزون اولدورمک ایسته یین گلین بالا شیرین اولار دئییه  بو ایشدن واز گئچنده؛ سازاقلی داغلارین باشینا قار اوتوران چاغ؛ گونلرینین بیرینده اوزون هورکک دالغالارا تاپشیران گمیچی کیمین آخشام قاش قارالان واقتدا قارنینداکی بالاسی ایلا بیرگه بوقچاسین گوتوروب شاختالی قیرو لی پاییز گئجه سینده نه باشینا گلمه یی گوزونه آلاراق یئدی سگیز آغاجلیق کسه یوللارینان تالانمیش آتا سی نین یوردونا اوزتوتور؛

آخی بیلیرسیز اونون آناسی  یتیم اوشاقلارینین قارین دویورماق اوچونبیر آییری کیشی ایله یئنی دن عایله قورموشدی؛بو کیشی ده کند ایجتیماییتینده یئرلی اکینه جک ایشینه مالیک اولدوقونا گوره اونلارا پناه وئریب اوت اوجاغی نین باشینا ییغمیشدی؛امما آز یاشلی گلین خایلاقی گئجه قارانلیقیندا بوتون تهلوکه لری نظره آلارکن یئددی آغاجلیق مصافه نی کر کسسک یوللارینان بئله ؛قورخولی سحرین دانی یاریلاندا اوزونوعایله سینه یئتیریب آنا بالانی بئله دهشتلی هیجانلارایچینده گورنده دیزلرینه ویریب آنان اولسون بالاگئجه قارانلیقندا قورخولویوللاری نئجور گلدین دئییه جانین پاراسی ساییلان بالاسینین اللرینی الینین ایچینه آلیب یانار تندیرین باشیندا یئروئریر؛بیرنئچه هفته گئچمه دن گلین خسته دوشوب اوشاغینی اولو دونیایاگتیریر؛بو دهشتلی حادیثه دن تالانمیش فاطما اولمه دی امما؟؟؟

دئییرم گوره سن موسابیقه نین غلبی کیم اولاجاق.........................

+0 به یه ن

قالایچی مورتوض دئییر اوشاقلار هاممیسی ائوله نیب اوت اوجاق اولاندان سونرا منن بو خویلو خانیم ائوده تک قالیب داریخاندا هردن نوه لری زادی  اوروشوتیننده گتیریب ساخلایاندا شیللاق آتیب گئدیرلر؛اودورکی آروادینان ائوده چوخلو گوتورقوی ائله یندن سونرا بو قرارا گلدیک کی قولاغیمیز کار اولماسین یئنی دن بیر اوشاق گتیرک؛دوکتور جئری دورما گلدیم دئییه ؛آروادی سورویوب خسته خانایا مایناتدان گئچیرندن سونرا اوزادیب تاختدین اوستونه سوممه له ییب آچاندا سونرا میره خصت اولدوق؛یئنه بیر ایکی اوچ گوندن سونرا ار آروادینان دوروب خسته خانایا گئدیب دوکتور جئری سوروشاندا خیر اولا؛ باشیمنان پاچامین آراسین گوستریب دئدیم نه اولاجاق  منیم کیده ........... آخییییی ؛ ته به ایاق بیر نوسخه یازیب  بیزی نوباتسیز یولا سالدی؛یئنه بیر اوچ دورد گوندن سونرا  ارآرواد یانلاریمنیزی باسا باسا اوزوموزو خسته خانایا یئتیرنده دوکتور جئری ده جاهاتین ایچینده اوتاقیندا چیخیب سالونده بیزی گوروب سوروشاندا  دای ندیر؛یئری یه یئری یه گوبه ییمی قاباغا وئریب ساق گورستره گوستره دئدیم نه اولاجاق گل ایندی بونو یاتیرد باخخخخ؛

بیزیم بو خیرخواهانه ایشیمیز اوشاق چوخالماق جریانی باش کندین سیاستلرینه اویغون اولاراق ایقتصادموقاومتیدئییه ایداره لر طرفینن آلقیشلانیب ترس آواکندینده بیرقوسماق یاریش موسابیقه سی قویوبلار؛کندین آشاغی باشیندان ؛فهله میروت؛ کندیندن اورتاسیندان؛ قارینپا وکیل؛وکندین باش طرفیندن ؛کاتدا ایسلام؛ بو چنپیونا قاتیلاندا داورلرین  ایزحمت  محصوللار و کندین جاماهاتینین ایشتراکینان موسابیقه باشلاناندا اول باشدان فهله میروت باشین آشاغی ائییب هر نه اوزونه گوج وئرنده طییییی کوپوک قوسوب؛ نوباتین سوواندا قارینپاوکیل باشین ائییب دمیردن دکلدن نئفت گمی سیندن زاددان قوسوردی؛امما کاتداایسلام نوبات چاتاندا اطییییییییییی آدام باش قولاغی زادی قوسوردی باخ.......................    

گوره سن مجلیسده کیمین ایکی آروادی اولابیلر......

+0 به یه ن

 

گوره سن مجلیسده کیمین ایکی آروادی....................

ایبراهیم(ایبیش) نئچه ایل  آداقلی سینان نامزد قالاندان سونرا پول تاپیب آروادینی گتیره بیلمه ینده قیز باشقاسینان ائوله نیب اره گئتمیشدیر؛اوندان سونرا یازیق ایبیشین باشینا هاوا گلیب هردن اوز اوزونه ساناخلاییب یول گئده گئده دانیشیب ائله ییردی؛هردندنده اوزون کمیته ایمداددا زادا وئریب یالوار یاخارائله ییرکی اونا نیمداشت آرواد مارواد تاپیب الله یولوندا احسان ائله سینلر؛اوگون حضرت حجته السلام حاج آقا پوتینین دده سی نین اوچی گونو ماخلوق مچیده اولاندا ایبیشی باشی گیژگینلی ال ایاقی پالچیقلی ایچری سوخولوب  خیلک ماخلوقا سای گئچندن سونرا  لاپدان اوزون توتدی منبرین یانیندا اوتوران آق ساققالارا کی آی آقا بیرداکی کیمین ایکی آروادی وارسا بیرین ..........................دئییه نده هاممی  گوز آلتی شیخ آقایا باخیب گولنده  نه بیلیم اوشاقلارین بیری قولوندان یاپیشیب الله ائویندن کنارلاشدیرلار؛اوگونده گئجه یاریسی محلله مامور توکولنده های دوشدی کی نه بیلیم ایبیشی گئجه یاریسی بیرینین پنجره سینین شوشه سیندن  ایچری باخاندا باشی دمیر نرده لر آراسیندا گیره ائله ییب؛ چیخماغینا اره چککوش گتیرن پاسگاه ماموری چوخلو دویشدیریب باش قولاغین ازندن سونرا ؛ گورور لر کی عاقلی باشی یوخدور ائو صاحابینان ایرضایت آلیب بیراخیرلار؛نه بیلیم  هردن جوم آخشامیلار یورقان آلتینان دده سی ایله ننه سی نین گئجه  لاس تیوه کینوون ایزله یین ایبیشی نین بو عملی ایرسانه اولاندا جوم آخشامی گئجه لرین بیرینده دده سی اوجا سسینن چاغریب دئییرکی ایبیشی بالاما قوربان دور یات صاباحلاری تکرارینا باخارسان

بو سئگی احوالاتی.......................

+0 به یه ن

شافاقینان آفاق اورتا مکتب ایللریندن بیر بیرلرین سِئویردیلر؛اوشاقلار مکتبدن چیخیب داغیلاندا اونلار اوزلرین تر تئله سیک باغ باغچا گوللرینین آراسیندا گیزله دیب هیجانلابیربیرلرینن پایلاشاندا گله جک گونلرینه اومود باغلاییب قیزیل کورپولرقورارکن گاهداندا گوز یاشلاریلا بیر بیرلریندن آیریلاردیلار؛شافاق بیر یئنی یئتمه اوغلان اولاراق هئله اوزونه توک چیخمامیش سئوگی تامینی آفاق خانیمین گوبَه لک بویدا تئزه دیککه لن جوت ممه لرین و اوزون قارا ساچلارین ویاخود آل یاناقلارین گورنده گویون یئدینجی قاتیندا اوچان قارتال کیمین اوزونه سیخماییردی؛عومور آخساق دَوَه کیمین یاشایشین انیش یوققوشونو چیخاندااااا؛داها ایکی گنجین بیر بیرلرینه خوشدارلیقی آرتماقینان بو های هارای دا ائل اوبادادا یاییلمیشدی؛امما شافاقین گله جک یاشایش شیرینلیگینه آجی تام قاتان فلک بیر آغیرماشین یول قضاسیندا  اولومنن جان قوتارسا اوز گوزو یانیب نئچه آی خسته خانالاری دولانان سونرا ؛ ظاهیری گورونوشی یارارسیز حالا دوشوب بیر عیبه جر کیمسه یه چئویریلمیشدی؛امما آفاق خانیما اولان محببتی اوره ینده سونمه یین گنج قوردوقلاری ایلقار اساسیندا قیز قاپیسینا ائلچی گورنده آتا آناسی قیز آدینان یوخ گئدمه رم دئییه  ائلچی لری الی بوش قایتاراندا؛دونیا شافاقین باشین دولانان کیمین ایکی الین باشینا قویوب دیزلری اوسته یئره چوکور؛امما یئنی دن اوزونه اورک دیرک وئرن اوغلان اومودون تانریدان اوزمه ییب آفاق ایلا بیر بیرلرینه یئتیشمه یی اوره یینده دیری ساخلاییردی؛هفته لر آیلار گئچن کیمین شافاقا خبر گتیریرلر کی سئودیگین قیزی اره وئرمک ایسته ییرلر؛بو گوزله نیمز خبردن بالاسی ایلان آغزینا توش گلن گوئرچین کیمین اوزونو داغا داشا چیرپان شافاق یوخونداکی ایمامزادایا داخیل دوشوب اوزون باغلاماقلا دوغرو اینانج عرفه سینده بو مزار صاحابینا یالوار یاخار ائلیرکی بلکه اوز ایسته ینه نایل اولسون؛نئچه گون گئچمه دن داها بیر سارسیدیجی خبر گلنده کی قیزی آداقلاماق ایسته ییلر ؛الی الدن اوزولن شافاق ایمامزادایا اوت وئریب اورادان اوزاقلاشیر؛اوزاقدان اوت آلووی گورن یئرلی جاماهات توکولوب اوتو سوندورندن سونرا سببکاری داغ دره دن تاپیب دولت مامورینا وئرنده جازالاندیرماغینا قرار ایسته ییرلر؛بیر نئچه گون محکمه دن سونرا شافاق ویریقینلیقی نین قالان حیصصه سینی دمیر قانداللارین  قاتیندا قالماق قراری ایلا زیندانا یولانیر؛بو سئوگی قوشونا دونن گنج ایاغیندان باغلی اولدوقونا گوره قاناد چالا چالا اوچماق ایسته ینده قاپیلاری اوزونه باغلی گوروردی؛یئنی دن بو سئوگی احوالاتی بیر های کوی کیمین بولگه ده یاییلاندااااا دور اطراف خیر خواه آق ساققالارین یاردیمینان ایمامزادانین یئنی دن قورما ایشلری گئدنده شافاقیدا محبوسلوقدان قوتارماق اوچون عدلیه ایداره سینه موراجعیت ائله ییب اونون آزادلیقا بیراخیلماق کاغاذین آلیب گلن گون زیندانا موراجعیت ائله ینده گورورلر کی شافاق گئجه قارانلیقیندا دمیر مفتیللی دووار اوستوندن قاچماق ایسته ینده مامور گولله سینه توش گلمه ینن گله جک طمطراقلی تویونو یاسا چئویرمیشدی .......................

آخی بیز شهره کوچه لی................

+0 به یه ن

بوگون جوم آخشامیدی قارا تونقال گوی تونقال نه یازیم آخی؛دونن مامور گلمیشدی گازی قط ائله یه یالوار یاخار ائله ییب ایگی گون واقت آلمیشام؛کوپوی اوغلو بودولت بیزیم اوش دورد تومن یارانه نی وئرسیدی گازین برقین و سویون  پولون توکوب بیرآزدا ائوه ات دوگو و یئرآلما سوغان آلاردیم؛منه باخ آآآآآآآآآ هوشوم یوخدوکی قونشوموز کربلادان گلیب اونون یانینا هیچ گئتمه میشم؛بیر پرده ده یازدیرا بیلسیدیم یاخجی اولاردی؛والله هیچ بیلمیرم باشیما نه داش سالام ؛هرکسی چینده ایشلیرم پولومو وئرمیرلر؛دده مین الله ائوین ییخیب ایکینجی آروادی آلالی دای بیزی توته ینده سایمیر؛یئنه هردن اونون سیکارئتینن گوتوروب چکیردیم؛قال گوروم کیمدی چاغریرائله بیل ننه مدیر هه قادان آلیم ندیر گلدیم ؛چوره آلیم؛آخی اویی ییخیلمامیشین بو قاردا بو سوئوخدا گورموسن باشماقیم جیریلیب؛اوبیری چکمه لری گئییم اولاریدا سنین قالین قافا اوغلون گئییب؛ الن ایاق یالینام ؛هئله اوگون داییم زک ویریب های بیدریق سالمیشدی کد کددرایچینده آبیریمیزگئتدی ؛بو گلینی ناواق آپاراجاقسیز؛دئیین یوخدی آخی ایرحمتدیگین اوغلوبو بازاردا آرواد گتیریب ساخلاماق اولار؛گئتدیم بانگا وام ایزدیواجا دئدیلراوچ ضامین تاپ سورا گل؛ایشیمیز قالیب آقا ابلفظه ؛داخله تلوزیانیدا هر یئره ویریسان طیییی دسته چیخاردیبلار؛بیزیمده بشقابی یئل ائییب هیچ بی بی سی نی زادی یاخجی توتا بیلمیریک؛ بیر آز اللشدیردیم هن دئیه سن توتدی ؛امریکه دن دانیشیر؛سسین چوخالدیم گورک بو یئنگه دونیانین پرزدنتی نه ایش گوره جک؛او یاندان ننه م های باسیر؛آی دده سیز قالاسان او تلویزیانین سسین آز ائله باش بئیینیم گئتدی؛بالاجا قارداشیما اوز توتوب ؛ائده فرضی علی آلا بو یوزلوگومنه بیر ایکی جوت سیکارئت آل گتیر؛یوخ قاغا منیم درسیم  وارگئده بیلمه رم؛تراکتور چیخادانین اویی ییخیلیدی باخخخخ؛ بویوک کیچیک قالمییب کی هیچ کس هیچ کسین سوزونه باخمیر؛قالیب آقا ایمامیرزه یه آرا دوزلسیدی توی ائلییب دایی قیزینی گتیرردیم؛دئییرم آدامین بیر دنه پوللو دده سی اولا والله؛ننه مه اوز توتورام ؛آی ننه بو شوقریب سیخ سانجاقی قویموشدوم بیرا کیم گوتوروب؛ شالواریمیندا آغی جیریلیب هیچ اوزومون خبریم یوخ اوروسوای اولاسان خانم ایبتکاردره دولایی نین یاشیلاشماسین ایسده مه دیک منیم بو شالواریمین آغینا یئتیش قهبه؛دئییر حلبی ده آلدیلار یوخسا قوشولوب مدافعین حرمه سوریه یه گئتسیدیم اوول باشدا 15000000میلیون صاحابیدیم ؛اولسیدیمده جهنم داییم گیل خانواده شهید اولوب؛قیزلاریناجییزدن زاددان آلاردیلار؛اورتانجیل باجیمدیر؛تلفون زک ویریر گتیر گوروم کیمدیر حاجی ایبراهیم هن دئنن اویده ییم ؛ دسته یی وئرمنه ؛سالام حاجی نئجه سوز بویور قوللقوزدییام؛قونشونون باهالی ایتی دوشوب سیزین قویی یا ؛باش اوسته  بویورسان گلیب چیخادیم باخ؛بیزیم ائودن سووای کوچه میزده طییی نئچه مرتبه لی بینالاریدی؛کددن دوران قاچیب اهبر آبادا ؛ائله بیل ترس آوالیلارین یئنی دن اولوسو اولوب؛حاق قولودایی دا هرزامان کتدن گلنده گلینین قورخوسوندان داراشلیق نئچه مرتبه لی بینادا ایاق یولونا گئده بیلمیر؛نئینه سین آخیییی یازیق داغ آدامیدیدا؛یئنه گلدی دئیه سن آی قالایچی مورتوض بالا ائوده سن؛ ایستیرم بیر ایاق یولوزا گئچم؛بویور حاق قولو دایی بو نه سوزدی ایاق یولو اوزوزه راجع دی؛من حه یت قاپیسینی اورتنده زارت ائله بیل ایاق یولونا بمب قویدولا؛ اوزومده انبور دستینن سیخ دوزلده نه حاق قولو دایی چیخیب شالوارین زادین برکیدندن سورا الین چینمه قویوب دوعا سانا ائلییه ائلییه بیله می سوزه توتوب کی آی اوغول سن اوزون بیلیرسن هااااااا من سیزدن سورا هیچ کسین ایاق یولوسونا آفدافا گو گوتو تو تو.................................



  • [ 1 ][ 2 ][ 3 ][ 4 ][ 5 ][ 6 ][ 7 ]